Pengerami 07/06/2008

Deka update mimit ditu. Ketegal penanggul ke enda ulih diseliahka, pengawa tu digaga enggau cukup 'simple'. Semina dikena ngelaie ke ulangtaun ke 5 Rumahpanjai Dot Com, diserta ke sekali Gempuru mit gawai 2008 bala raban.

TuaiRumah enda ulih enggau malam nya, laban cuti enda dikemendarka, tajapan tiket bilun iya lama udah dibeli. Nadai ko enggau meh. Pia mega bala raban bukai di Kch ditu ke enda ulih enggau sama, baka bala Apaiserani, Apaiumart, Apaienduq, BujangLanjau, JamiroQuay, Sempurai, Mark2, Crimson, hijau, Missbliss, Qumang, Cha enggau sekeda ke enda ulih disebut magang ditu.

Pia mega bisi sekeda raban ari ruaikitai & radiokitai bisi datai sama malam nya..

Pengawa di atur ba rumah bala family ADP ba Jalan Chawan..

Cake dipelanja ADP

Agi duduk jenuh bala sebedau ngepun pengawa.

Berandau, belagu, betundi..

All Black!..hah!

Tukang sadung ai..DaraKanowit & abey_ava..steady! (Ayas2 aja butul enggau gelas pegai seduai tu..)

Naka ke bisi, naka ulih merindang bala ke bisi datai malam nya. Bisi karaoke set etc ba dlm, tang mensia rindu agi bepupuh ba tengah laman.

Sida tiga tu, bala BRO!..terachat aja sengkalan gasak tukang tetak.

3 Sahabat ke udah lama enda begulai sama, Johanssen, jelu_babas & DaraKanowit.

Jac, ADP & Avey_ava (enda entu dipeda) benung mantai ke pengelandik diri ba poco-poco, bendar amat sida tu.

Sekeda gamabar enda tau dibantai ditu..

*
Terima kasih ke semua ke bisi datai serta udah mantu ba pengawa gempuru tu. Kelebih agi bala BRO & SIS ba Jln Chawan..

* Ngarap ke taun-taun ke ka datai, makin mayuh kitai ulih datai berami, serta mayuh agi pengawa ulih diatur, dikena negi ke agi rumahpanjai kitai tu, ngambi enda lebu udah bediri 5 taun ba menua siber..Oooohhaaaa...!!

Info Tebaru..

RM200 diserahka ngagai Treasurer(ApaiUmbart) last week kena ngaga aktiviti publisiti ke dipikir patut kena bala members. Duit RM200 to sumbangan ari Selen ari suba agi kena aktiviti RP.CoM disua Sempurai di Chilax (dua taun lepas sempana merancang Kelab RP) tang bedau agi dikena.

Ngarap bala komiti bukai pan ulih besaup sama, nulung Apaiumbart, meri idea etc. ngambi ke pengawa iya ulih diadu enggau mujur, kelebih agi pengawa promosi pengerami Ulangtaun Ke-5 www.rumahpanjai.com tu. Nuju bala komiti ke bukai, ti bisi berita tebaru ari bala kita, tau madah ditu.

Tusun Atur Pengawa

Sapa raban komiti ke megai pengawa ngatur semua program ke pengerami tu, minta sama² madah ditu, nanya penemu ari raban ke bukai, bakani ka ngatur? sapa? etc.

Silik deka dipadah ditu, sepengudah penerang ke silik diterima ari komiti ke megai pengawa.

Aturcara Pengerami Ngintu 5 Taun www.rumahpanjai.com

Date : 07 June 2008
venue : (Deka Dipadah)
Time : 06.00pm-12.00pm
Budget: RM20 - RM30

06:00 - Penatai Bala Mayuh

07:00 - Penatai Raban Di Perbasa

07:30 - Mandang Ka Ajat Iban (Indu enggau Laki –Minta Raban Indu enggau Laki RP please)

08:00 - Jako Pengelalu Ari Chairman

08:15 - Jako Pengelalu Ari Tuai Rumah

08:30 - Jako Pengelalu Ari VIP (Enti Bisi)

08:45 - Pengawa Mutung Kek (5 Taun Ulang Taun www.rumahpanjai.com )

09:00 - Makai

09:45 - Pengawa Beperindang Atas Panggau/Live Band (KIV)

10:30 - Pengawa Berlagu(Karaoke)

12:00 - Tamat

Raban komiti enti asai bisi utai deka di tambah tau ka di kurang ka ba aturcara kitai nya tau madah ga...(ari Flora ba Portal rumahpanjai kitai)

Palan Endur Berami

Ditu mega aku deka engkah semua info pasal palan ke endur kitai ngaga pengerami tu ila. Sepengudah jaku tetap ari semua, dini endur, maya serta jam ke tetap, deka dipadah ditu.

Ke diatu, kitai sama-sama tau mantai ke penemu bekait enggau palan endur berami ditu..

Raban Komiti

Ba randau tu, kitai sama-sama meri penerang ke baru pasal sapa bagi bala ke dipadu nyadi komiti ngatur pengawa tu.

Randau tu semampai ditepuka enggau info tebaru ari raban komiti..